Pas rreth një ore në kryeministri, ka përfunduar takimi i zyrtares së lartë të Departamentit Amerikan të Shtetit, Ndihmës Sekretarja për Byronë e Çështjeve Evropiane dhe Euroaziatike Karen Donfried dhe kreut të qeverisë Edi Rama.
Në këtë takim, diplomatja amerikane shoqërohej edhe nga ambasadorja e SHBA në vendin tonë, Yuri Kim, si dhe nga zëvendës Ndihmës Sekretari i Shtetit i SHBA për Çështjet Europiane dhe Euroaziatike, Gabriel Escobar.
Mësohet se në përfundim të takimit me Kryeministrin Edi Rama, zyrtarja e lartë e DASH do të takojë edhe kreun e grupit parlamentar të PD Enkelejd Alibeajn dhe deputeten demokrate Jorida Tabaku. /abcnews.al/
