Loading ...
Berishës nuk i del inati me Shabanin dhe socialistët që e votuan atë për Avokat të Popullit. Sallën e Kuvendit në seancën e fundit të sesionit parlamentar e shndërroi në shesh rremuje dhe kaosi.
Endri Shabani u betua si Avokat i Popullit në Kuvend, mes dhunës se deputeteve të PD që tentuan ta bllokojnë atë, edhe pse kishin dhënë firmat për kandidimin e tij për këtë post.
Deputetët e PD zaptuan sallën që para fillimit të seancës duke bllokuar karriget e ministrave.
Tensionin e vazhduan edhe pas nisjes se saj, duke ndezur flakadanë e përmbysur karrige. Noka, balliu, Këllici e Bardhi, ishin dirigjentët e dhunës dhe përplasjeve me Gardën. Berisha i vëzhgonte.
Kryeparlamentari Peleshi përjashtoi Balliun dhe Nokën nga seanca. Mes dhunës dhe përplasjeve fizike të grupit të PD, maxhoranca vazhdoi punën sipas axhendës, kaloi në votimin e projektligjeve të rendit të ditës, dhe mbylli seancën e fundit të këtij viti në më pak se 60 minuta.
