Loading ...
Ka përfunduar mbledhja e Sinodit të Shenjtë të Kishës Ortodokse. Mësohet se janë marrë disa vendime, nga varrimi i kryepeshkopit Anastas Janullatos ditën e enjte, zgjedhjen e e Mitropolitit të Korçës, Imzot Joanit, si Mbikqyrës të Fronit Kryepiskopal dhe deri shpallja e pesë ditëve zie kishtare.
Sinodi i Shenjtë mori këto vendime:
- Zgjedhjen e Mitropolitit të Korçës, Imzot Joanit, si Mbikqyrës (Locum Tenens) të Fronit Kryepiskopal.
- Shpalljen e zisë kishtare për pesë ditë, nga datat 25 – 29 janar 2025.
- Pritja e trupit të Kryepiskopit të ndjerë do të bëhet para Katedrales “Ngjallja e Krishtit” Tiranë, të martën, datë 28 janar, ora 16:00. Pas pritjes, homazhet do të mbahen brenda Katedrales gjatë kësaj pasditeje dhe gjatë gjithë ditës së nesërme, të mërkurën, datë 29 janar 2025.
- Shërbesa e varrimit do të kryhet ditën e enjte, datë 30 janar, ora 11:00, pas Liturgjisë Hyjnore.
Më herët, Sinodi i Shenjtë i Kishës greke ka njoftuar se të dielën do të mbahet një Liturgji Hyjnore në Katedralen e Athinës për Kryepeshkopin Anastas.
Trupi i primatit të bekuar do të qëndrojnë në Katedralen e Athinës, ku do të vendoset për nderim publik deri në orët e mëngjesit të së hënës, 27 janar, kur do të nisen për në Shqipëri.
Kryepeshkopi i Tiranës, Durrësit dhe i Gjithë Shqipërisë, Anastas Janullatos nuk e fitoi dot betejën me sëmundjen dhe u nda nga jeta mëngjesin e kësaj të shtune në moshën 95-vjeçare./abcnews.al
