Përfundon dënimi i dhënë nga FIFA, Çinari gati për derbin ndaj Tiranës

schedule17:16 - 19 Janar, 2021

schedule 17:16 - 19 Janar, 2021

Më shumë se katër muaj më parë Erald Çinari mori një goditje të rëndë, duke u dënuar me 4 muaj pezullim nga aktivitetet zyrtare për shkak të parregullsive në transferimin e tij te Partizani.

Por fatmirësisht ditët e vështira për sulmuesin shkodran kanë përfunduar dhe sot ai ka marrë lejen nga FIFA për të luajtur në ndeshje zyrtare. Lajmin e madh e bëjnë të ditur persona pranë klubit të kuq, që pranojnë për abcnews.al se Çinari do të jetë në dispozicion të Ilir Dajës që në derbin e së enjtes ndaj Tiranës.

Në orët në vijim klubi pritet të japë njoftimin e rikthimit të sulmuesit, i cili deri para dënimit ishte një nga më të mirët e Partizanit, ndërsa tashmë do të duhet të rikthehet në formë dhe të luftojë për majën e sulmit me të sapoardhurin Stenio Junior. /abcnews.al

Mos rri jashtë: bashkohu me ABC News. Ne jemi kudo!