Kukësi ka bërë goditjen e parë në merkato. Nënkampionët e Shqipërisë kanë përforcuar portën me Angelos Tafas, 20-vjeçarin nga Elbasani, i cili është një prodhim i AEK-ut të Athinës.
“Gardiani”, i cili ka provuar të luajë edhe me Shqipërinë U-19, ka kaluar me sukses vizitat mjekësore dhe ka nënshkruar një kontratë 2-vjeçare me klubin e Superiores.
Tafas do të bashkohet me ekipin këtë të enjte, ditë kur edhe nisin përgatitjet për Europa League. Prej ditësh, i riu ka zhvilluar stërvitje individuale me ish-futbollistin e Kukësit, Roland Peqini. /abcnews.al
