Disa lehtësi si ato në sektorin e turizmit, sipërmarrësit i kanë mirëpritur, por kërkesat nuk i kanë shteruar. Para diskutimit nen për nen të ndryshimeve fiskale, shoqatat e biznesit kanë parashtuar kërkesat e tyre për paketën fiskale në komisionin parlamentar të ekonomisë.
Dhoma e Tregtisë dhe industrisë së Tiranës kërkon të mos vendoset prag për përjashtimin e TVSH-së pasi do të vijojë të ketë informalitet, ndërsa veçoi disa subjekte që mund të përjashtohen.
Dhoma Amerikane e Tregtisë vijon të këmbënguleë në uljen e taksimit për fitimet e ortakëve, duke theksuar se nxitet investimi e frenohet nxjerrja e fitimeve jashtë.
Një taksë më të ulët për pasuritë e paluajtshme u propozua nga biznesi, si për pronat familjare, edhe për objektet e sipërmarrjes.
Në komision, organizatat e biznesit theksuan se disa prej kërkesave janë të përsëritura, dhe nëse nuk përmbushen vitin e ardhshëm, sipërmarrja do të vijojë të hedhë në tryezë, si variante në favor të ekonomise.
Me lobimin e sipërmarrjes, biznesi i turizmit ka fituar disa lehtësi nga viti i ardhshëm, të cilat pritet të apklikohen për hotelet me 4 dhe pesë yje./abcnews.al
https://youtu.be/X3Vx8fdtBT8
