Loading ...
Manchester City është dorëhequr nga Superliga e Europës dhe gjithashtu edhe Chelsea pritet ta bëjë diçka te tillë.
Pak para se City ta bënte zyrtare, në lidhje me këtë çështje ka folur presidenti i Real dhe Superligës, Florentino Perez, që nuk shqetësohet nga tërheqjet dhe tregohet këmbëngulës ndaj krijimit të kësaj lige.
“Nuk më shqetëson largimi i disa klubeve nga Superliga Europiane. Jam i bindur që Bayern Munchen dhe PSG do të na bashkohen ne në fund, por ende nuk kemi folur me ta.
Skuadra si Lens gjithashtu do të jenë në gjendje të hyjnë në Super League dhe do jenë në gjendje të shesin lojtarë në klube të mëdha, diçka që tani nuk e bëjnë dot prej krizës.
Duhet të kuptoni se kjo krizë është si ajo e vitit 2008. Sigurisht që do luajmë në Champions League. Kërcënimet dhe fyerjet nuk janë mënyra e duhur për të zgjidhur gjërat. Ne mbrohemi nga ligji”, u shpreh Perez. /abcnews.al
