Bayern Munich do të përballet me Villareal për të zhvilluar mes tyre ndeshjen e kthimit të fazës çerekfinale të Champions League, me duelin e parë që ka përfunduar në favor të skuadrës së Unai Emery.
Skuadra bavareze do të kërkojë përmbysjen e rezultatit minimal të takimit të parë dhe të kërkojë kualifikimin në Mynich ora 21:00.
Në konferencën për shtyp trajneri Nagelsman tha se skuadra gjermane duhet ta shtojë presionin ndaj Villarrealit në këtë duel.
“Duhet të rrisim intensitetin e lojës në përgjithësi. Futbolli është intensiv, sidomos në fillim. Villarreal kanë kualitetin të dalin nga presingu, sidomos me pasime diagonale. Kemi bërë shumë gabime në ndeshjen e parë. Të gjithë duhet të marrin përgjegjësi, dhe më mirë të flasin shumë sesa pak”, shtoi mes tjerash gjermani.
Kujtojmë se fituesi i këtij dueli do ballafaqohet me një nga skuadrat e takimit tjetër Liverpool – Benfica. /f.a/abcnews.al
