Mbrëmjen e sotme duke nisur nga ora 20:45, stadiumin “Fadil Vokrri” i Prishtinës do të jetë mikpritës i super ndeshjes mes Kombëtares së Kosovës dhe asaj të Zvicrës. Kjo përballje i takon raundit të pestë të fazës së grupeve të kualifikimeve të Kampionatit Evropian Euro 2024.
“Dardanët” pas katër ndeshjeve renditen në pozitën e pestë në Grupin I me tre pikë të arkëtuara, krahas Zvicrës së Xherdan Shaqirit e Granit Xhakës, që zë vendin e parë në kuotën e 10 pikëve.
Zvicra dhe Kosova janë përballur vetëm një herë në mars të vitit të kaluar, me miqësoren që përfundoi pa fitues me rezultat të barabartë 1:1.
Trajneri i Kosovës, Primozh Gliha, pritet të qëndrojë me formacionin 4-2-3-1, me kapitenin dhe mbrojtësin e Napolit, Amir Rrahmani, që do t’i bashkohet në katërshen e mbrojtjes Mërgim Vojvoda, Fidan Aliti dhe Leart Paçarada.
Në mesfushë mund të startojë Florent Muslija, së bashku me Dresevic e Fazlijin.
Muriqi, i cili ka shënuar 24 gola në 48 paraqitje ndërkombëtare, do të jetë në krye të sulmit, së bashku me Edon Zhegrovën e Milot Rashicën.
Ndërkaq te Zvicra titullarë pritet të jenë yjet me prejardhje nga Kosova, Granit Xhaka dhe Xherdan Shaqiri.
Formacionet e mundshme i gjeni më poshtë.
Kosova (4-2-3-1): Muric; Vojvoda, Rrahmani, Aliti, Paqarada; Dresevic, Fazliji; Zhegrova, Muslija, Rashica; Muriqi
Zvicra (4-3-3): Sommer; Fernandes, Akanji, Elvedi, Rodriguez; Freuler, Zakaria, Xhaka; Shaqiri, Amdouni, Vargas
