Katër politikanët kosovarë, ish-drejtues të UÇK, që u dërguan disa ditë më parë në Hagë do të dalin para gjykatës duke nisur nga dita e nesërme.
Të hënën në orën 11:00 do të jetë paraqitja e parë e Jakup Krasniqit në sallën e gjyqit të Dhomave të Specializuara të Kosovës në Hagë. Ndërsa në orën 15:00, do të zhvillohet seanca e parë për Hashim Thaçin në Dhomat e Specializuara të Kosovës në Hagë.
Kadri Veseli do të dalë para gjykatës të martën në oren 15.00. Ndërsa të mërkurën në orën 11.00 do të jetë radha e Rexhep Selimit për t’u paraqitur para gjykatësve në Hagë.
Në këto seanca të pandehurit pritet të njihen me akuzat e ngritura ndaj tyre dhe do të vendoset nëse ata do të gjykohen të lirë apo në gjendje arresti. Aktakuzat ndaj tyre u konfirmuan nga prokurori special më 26 tetor.
4 politikanët u transferuan në objektin e paraburgimit të Dhomave të Specializuara të Kosovës në 4 dhe 5 nëntor. Thaçi, Veseli, Krasniqi dhe Selimi akuzohen për krime lufte dhe zhdukje të kundërshtarëve politikë./ db.Abcnews.al
