TIRANË- Ish-ministri i Shëndetësisë, Ilir Beqaj, u vu në pranga mëngjesin e kësaj të enjteje me kërkesë të Prokurorisë së Posaçme.
Sipas prokurorisë ish-ministri Beqaj në kohën që ka mbajtur detyrën e drejtorit të Agjencisë Shtetërore të Programeve Strategjike, njohur ndryshe si SASPAK ka ngritur një skemë të mirëfilltë korruptive me qëllim përfitimin e shumave të parave nëpërmjet duke organizuar tendera fiktivë.
Përveç Beqajt në pranga janë vënë edhe dy bashkëpunëtorët e tij, Ermal Kërtulaj dhe Alfred Nikollaj.
Gazetari Trashëgim Sokolaj, u shpreh se me arrestimin e Beqajt, SPAK ka hedhur pishtë “rezervat” e krijuara nga opinioni publik për punën e tij.
“SPAK me arrestimin e Beqajt, ka vendosur në vend një pikëpyetje të madhe që është krijuar për super-SPAK”, tha gazetari Sokolaj.
Gazetarja Anduena Llabani, e ftuar në “360 Gardë” theksoi se Beqaj e ka pritur arrestimin për dosjen e dytë, ndërsa për “Sterilizimin” ka qenë i bindur që SPAK nuk ka arritur të shkojë deri tek gjetja e parave.
“E ka pritur arrestimin për dosjen e dytë, sepse për dosjen e parë ka qenë i bindur se SPAK nuk ka shkuar deri tek paraja”, tha ai./ abcnews.al
