Banorët e pallatit 15, i cili është dëmtuar nga tërmeti i 2019 në qytetin e Durrësit protestuan tek Bashkia.
65 familje vazhdojnë të jetojnë me qira, pasi kanë mbetur peng i dy akt-ekpertizave që kundërshtojnë njëra-tjetrën. E para e përcakton si të dëmtuar, por të riparueshëm, ndërsa ekspertiza e tjetër vlerëson se duhet shembur.
“Mund të jetë i vetmi pallat në Durrës që ka dy oponenca e të dyja të bërë nga instituti ndërtimit. duam përgjigje pse Objekti ynë është kaq mbrapa”, ka thënë ai.
Banorët tregojnë se kanë marrë paratë për riparimin e banesave, por bashkia i ka penguar të kryejnë punimet, për shkak se ju është thënë se pallati do shembet.
“Ka ardhur ekspertiza nga ndërkombëtarët që është DS3. Pse të rri përjashta kam marrë e paratë. S’bëj dot riparime se kanë prerë dritat e ujin. Dikush ka bërë kompromis dhe ne po rrimë përjashta”.
“Para një viti gjoja sipas bashkisë një firmë i nxori koston e dëmit 70% këtu ka diçka të fshehtë’, thotë një tjetër qytetare.
ABC pyeti edhe në bashki për shqetësimin e banorëve dhe na u tha se do ti kërkohet Institutit te ndërtimit një ekspertizë të tretë për të vendosur për fatin e objektit 12-katesh në lagjen 12 të Durrësit./abcnews.al
