Presidenca kroate dhe Komisioni Europian synojnë të bindin të gjitha shtetet anëtare për rëndësinë e hapjes së negociatave të anëtarësimit në Bashkimin Europian me Shqipërinë dhe Maqedoninë e Veriut para samitit të Zagrebit në 6 dhe 7 maj. Në seancën plenare të Parlamentit Europian, kryeministri kroat Andrej Plenkoviç dhe presidentja e Komisionit Europian, Ursula Von der Leyen kanë insistuar sërish mbi rëndësinë e hapjes së negociatave me të dyja vendet.
“Vendet e Europës Juglindore nuk kanë ku të shkojnë tjetër. Ato nuk do bëhen shtete anëtare të Shteteve të Bashkuara të Amerikës, Kinës, apo Rusisë. E vemtja rrugë para tyre është Europa. Politika jonë duhet të strukturojë këtë marrëdhënie në një mënyrë serioze. Nëse politika jonë krijon përshtypjen se Ballkani Perëndimor do jetë gjithnjë paradhomë e Bashkimit Europian, kjo nuk do jetë e dobishme. Vendet do devijojnë, do të braktisin objektivat, do humbasin motivimin për reformat. Hapja e negociatave nuk është anëtarësim. Eshtë një proçes teknik i gjatë, i rreptë dhe i monitoruar. Ndaj, ndryshimi i metodologjisë dhe progresi i dy vendeve shpresojmë të na çojnë në sukesin e samitit të Zagrebit”, derklaroi kryeministri kroat, Andrej Plenkovic.
Ndërsa presidentja e Komisionit Europian, Ursula Von der Leyen ka theksuar se brenda disa javësh do të jetë gati një strategji e re për hapjen e negociatave.
“ Që samiti i Zagrebit të jetë një sukses ne duhet të bëjmë përpjekjet tona. Ndaj, ne do të paraqesim një strategji të re brenda disa javësh, në mënyrë që të diskutojmë modernizimin e procesit të zgjerimit, por pjesa më e rëndësishme është që t’u japim miqve tanë të Maqedonisë së Veriut dhe Shqipërisë një perspektivë për hapjen e negociatave. Ata kanë përmbushur kushtet që u kemi kërkuar, ndaj tani është koha për ne që t’u japim një perspektivë të vërtetë”.
Për këtë qëllim, presidenca kroate, Komisioni Europian kanë mbështetjen e shumicës së shteteve anëtare dhe shumicës së dërrmuese të Parlamentit Europian, me përjashtim të grupimit të ektremit të djathtë.
“Ne jemi shprehur qartë, që vendimi i këshillit Europian për moshapjen e negociatave me Maqedoninë e Veriut dhe Shqipërinë ishte një vendim dritshkurtër. Ne shpresojmë që grupimi socialist do të flasë me miqtë e tye danezë, që grupimi i liberalëve do të flasë me Francën dhe që do të bindin ato shtete anëtare që hezitojnë ende pêr rëndësinë e hapjes së negociatave me dy vendet”, deklaroi kryetari i grupit EPP në PE, Manfred Weber.
Ndërkohë kryetarja e grupit S&D në PE vlerësoi prioritetin e për hapjen e negociatave.
“ Ne gëzohemi që ju e keni vendosur si prioritet zgjerimin e Bashkimit Europian dhe hapjen e negociatave të anëtarësimit me Maqedoninê e Veriut dhe Shqipërinë”, tha Iratze , kryetare e grupit S&D në PE.
“ Ju na thoni që doni të hapni negociatat e anëtarësimit me Maqedoninë e Veriut dhe Shqipërinë, atëherë që të gjithë shohin që këto vende edhe pse janë partnere dhe vende mike janë të gangrenuara nga korrupsioni dhe të ndikuara nga grupimet islamiste qofshin këto të Arabisë Saudite apo Turqia dhe nuk përmbushin asnjë kusht për anëtarësimin në BE. Dhe tani, pas vetos së vendosur në tetor, fatkeqësisht Emmanuel Macron na thotë që qënka gati për hapjen e negociatave të anëtarësimit me Maqedoninë e Veriut dhe Shqipërinë”, tha ndër të tjera, Nicolas Bay, zv/ kryetar i grupimit të djathtë ID i PE.
Shtetet që duhen bindur plotësisht lidhur me hapjen e negociatave të anëtarësimit me Maqedoninë e Veriut dhe Shqipërinë mbeten Franca, Holanda dhe Danimarka./abcnews.al
