Partia Demokratike e Kosovës do të mbajë sot konventën e dhjetë, ku do të zgjidhet edhe kryetari i ri i kësaj force politike.
Konventa do të mbahet nga ora 09:30. Sipas PDK-së, kjo konventë është e ndarë në dy pjesë dhe do të jenë të prabishëm 794 delegatë.
Sipas afatit të përcaktuar në ditën e shpalljes së zgjedhjeve, deri të enjten në ora 17:00, kandidaturën për kryetar të partisë e ka paraqitur vetëm Memli Krasniqi.
Ndërsa ish-ushtruesi i detyrës së PDK-së, Enver Hoxhaj dy ditë më parë përmes një konference për media bëri të ditur se nuk do të kandidojë për kreun e partisë.
