PD depozitoi në Prokurori një kallzim penal kundër kryetarit të Bashkisë së Tiranës Erjon Veliaj, për shpërdorim detyre dhe shkelje të barazisë në tendera.
Sipas PD, në kundërshtim të plotë me ligjin e prokurimeve dhe pa garë, Erion Veliaj i ka dhënë kompanisë “Fusha” 2.6 milion euro për blerjen e 400 pishave.
PD shprehet se Veliaj ka pranuar që një pishë të blihet me një vlerë marramendëse 6500 euro copa.
Bashke me kallzimin, PD ka paraqitur në prokurori prova filmike dhe disa fotografi që tregojnë, sipas saj, prerjen dhe tharjen e pishave, njësoj si palmat. Kundrejt kësaj situate, Erion Veliaj dhe Bashkia nuk ka marrë asnjë masë ndaj “Fushës”.
PD deklaron se në më pak se 3 vjet, Erion Veliaj i ka dhënë rreth 25 milionë euro kompanisë “Fusha”, gjysmën e të cilave pa garë. /abcnews.al
