Lajmi më befasues i ditës së sotme ishte padiskutim shkarkimi i trajnerit Mauricio Pochettino nga bordi i Tottenham. Strategu argjentinas drejtoi “Spurs” për plot 5 sezone dhe ky ishte sezoni i tij i gjashtë në krye të pankinës.
CEO i klubit, Daniel Levy, tha se rezultatet në fundin e sezonit të shkuar dhe këtë sezon, bënë që Pochettino të shkarkohej, vendim i prerë që u mor nga presidenca. Menjëherë pas shkarkimit, mediet britanike po raportojnë se “Gjelat” e kanë gjetur zëvendësuesin e Pochettinos.
Bëhet fjalë për strategun britanik, Brendan Rodgers, i cili po i befason të gjithë me punën të tij në krye të Leicester City. Aktualisht, Leicester ndodhet në vend të dytë në renditje, ndërsa Tottenham në vendin e 12-të dhe duket e vështirë që Tottenham ta bindë Rodgers që të nënshkruajë./abcnews.al
