Prokuroria holandeze ka kërkuar 10 vite burg për Thanas Bakon. 53-vjeçari nga Saranda u arrestua më 31 maj 2023 në Athinë pas një operacioni të policisë greke dhe Europol, si i dyshuar për pastrimin e rreth 500 milionë eurove në Holandë të trafikantëve ndërkombëtarë të drogës. Ai ndodhet në izolim në burg në Holandë pas ekstradimit nga Greqia.
I konsideruari nga Europoli si “si një person që pastronte paratë e pista të kriminelëve më të mëdhenj në botë”, ai u arrestua pas një hetimi të FBI pas zbulimit të komunikimeve të tij në aplikacionin “ANOM” ku vepronte me porosi të trafikantëve në Dubai e Holandë për të transferuar miliona euro nga një vend në tjetrin.
Rrjeti thuhet se ka funksionuar nga zyra të ndryshme në Holandë, duke përfshirë Wateringen dhe Amsterdam. Anëtarët e rrjetit të korrierëve u dënuan me vite burg në fillim të këtij viti.
/abcnews.al/
