Kreu i Prokurorisë së Posaçme (SPAK), Altin Dumani ka raportuar për punën 1-vjeçare të këtij institucioni para Këshillit të Lartë të Prokurorisë (KLP).
Ndër të tjera, Dumani nënvizoi se një pjesë e këtyre çështjeve, janë me burim kallëzimi nga juridiksione jashtë Shqipërisë.
“Institucionet ligjzbatuese dhe prokuroritë, SPAK kanë rritur numrin e hetimeve për veprën penale të pastrimit të parave, referuar çështjeve të regjistruara. Rastet e veprave penale me juridiksion të huaj duke konfirmuar një fokus më të madh në këtë aspekt të pikës së planit të veprimit.
SPAK ka demonstruar se rastet për pastrim parash janë gjithnjë e në rritje. Përgjatë vitit 2022, janë raportuar në total pranë ICRG, 12 çështje të reja të regjistruara dhe në hetim nga SPAK, që lidhen me pastrimin e produkteve të veprës penale, të korrupsionit dhe të krimit të organizuar, ku janë evidentuar çështje me burim kallëzimi nga juridiksione të huaja”, theksoi ai./abcnews.al
