Nga ndërtimi i impianteve të shkripëzimit deri te përmirësimi i rrjeteve të ujit, Spanja do të shpenzojë më shumë se 12 miliardë euro për t’u marrë me pasojat e një thatësire të zgjatur, njoftoi Madridi të martën.
Që nga shtatori i vitit të kaluar, reshjet në Spanjë ishin 17% më pak se mesatarja 1991-2020, sipas shifrave të Ministrisë së Mjedisit. Niveli i ujit ra në mënyrë dramatike në shumë rezervuarë dhe prodhimi bujqësor u godit rëndë.
“Duhen ndryshime strukturore dhe investime të vazhdueshme,” tha Ministrja e Mjedisit Teresa Ribera sipas Reuters.
Parashikimi i të korrave të grurit në Spanjë do të bjerë me 40% këtë vit
Në një deklaratë të veçantë, ministria tha se ndryshimet klimatike po sjellin thatësira më të shpeshta dhe më intensive, veçanërisht në Spanjë, e cila konsiderohet më e cenueshme se vendet e tjera evropiane.
Përveç 12 miliardë eurove për shkripëzimin dhe përmirësimin e rrjetit, Spanja do të ndajë 3 miliardë euro të tjera për projektet e dixhitalizimit në organizatat e menaxhimit të burimeve ujore.
Prodhimi i drithërave pritet të bjerë me 40% këtë vit, vendit do t’i duhet të importojë rreth 20 milionë tonë për të përmbushur kërkesën si nga konsumatorët ashtu edhe nga bizneset e ushqimit, tha ministria.
Mungesa e madhe e ujit ka goditur gjithashtu Italinë dhe Francën këtë vit mes temperaturave ekstreme që i atribuohen ndryshimeve klimatike.
