Mëngjesin e sotëm në studion e “Abc e Mëngjesit” është diskutuar për pasionin e rritjes së shpendëve, konkretisht të papagajve.
Të ftuara në studio, moderatorja Juli Xhokaxhi dhe e apasionuara pas papagajve Kristina Sharku kanë folur për rritjen e tyre.
“Është mësuar me mua, më njeh në bazë të aromës. Kam dy papagaj, kam diku 5-6 muaj që i mbaj papagajt. Janë shumë xheloz për njëri-tjetrin. Unë i dua edhe i gjarprinjtë, dua ta marr në shtëpi, po imë më nuk është dakord.
Fishkëllejnë me tonin e lartë sic e kam unë, kur e shikon që unë po dal. Ndërsa kur i thërret me emër e kupton kur i thërret atij. Unë gjatë gjithë kohës i kam pasur qejf kafshët dhe shpendët prandaj edhe vendosa t’i merrja në shtëpi”, tha Kristina.
Më tej ajo foli edhe për mënyrën e të ushqyerit të tyre, duke theksuar se një papagall i ka ngordhur pasi është kequshqyer. /abcnews.al
