Princi Harry dha një intervistë në Good Morning America në ABC dhe foli për herë të parë në publik që kur Mbreti Karli III u diagnostikua me kancer.
Ai tha se shkoi të takonte Mbretin Karli III “sa më shpejt që mundi” pasi foli me të atin në telefon për diagnozën e tij të kancerit. Duka i Sussex tha gjithashtu se ishte “mirënjohës” që e vizitoi dhe shpreson se diagnoza e babait të tij mund të shërojë përçarjen e tij me familjen mbretërore, duke thënë: “Unë e dua familjen time”.
EXCLUSIVE: Prince Harry to @ReeveWill on visiting King Charles after cancer diagnosis: “I love my family. The fact that I was able to get on a plane and go see and spend anytime with him, I’m grateful for that.” https://t.co/yDp82WU7Bk pic.twitter.com/lO0cebeO9i
— Good Morning America (@GMA) February 16, 2024
I pyetur nga moderatori William Reeve nëse udhëtimi i shkurtër në shtëpi ishte “emocional” për të, Harry u përgjigj: “Shiko, unë e dua familjen time. Fakti që arrita të hipja në aeroplan dhe të shkoja ta shoh dhe të kaloj pak kohë me të, jam mirënjohës për këtë.”
“Gjithashtu në jetën time kam gjetur se një sëmundje në familje mund të shërbejë si një pikë ribashkimi. A është e mundur kjo në rastin tuaj?”, Reeve e pyeti Princin Harry.
Ndërsa, Duka u përgjigj: “Absolutisht. Po jam i sigurt. Në të gjitha këto familje (me probleme shëndetësore) shoh që çdo ditë forca e familjes bashkohet. Mendoj se çdo sëmundje, çdo sëmundje bashkon familjet .’
Intervista e plotë e Harrit do të transmetohet brenda orëve në vijim./abcnews.al
