Kryeministrin e Kosovës, Avdullah Hoti dhe presidentin serb, Aleksandar Vuçiç pas takimit me presidentin Donald Trump do të takohen me sekretarin e Shtetit, Mike Pompeo.
Sipas njoftimit të Departamentit amerikan të Shtetit, takimi i parë do të zhvillohet me Vuçiçin në orën 11:30 me kohën lokale në SHBA, ndërsa ai me Hotin në orën 14:00.
Paraprakisht Hoti dhe Vuçiç do të takohen me presidentin Trump, i cili sipas një njoftimi nga Shtëpia e Bardhë, do të jetë i pranishëm në momentin e nënshkrimit të marrëveshjes mes Kosovës e Serbisë dhe më pas do të ketë një takim trilateral me kryeministrin e Kosovës, Avdullah Hoti dhe presidentin e Serbisë, Aleksandar Vuçiç.
Pas ditës së parë të negociatave në Uashington, Presidenti serb, Vuçiç tha se atij iu paraqit një projekt marrëveshje gjatë takimit, e cila përmendte njohjen reciproke, dhe se ai e refuzoi atë, ndërsa Kryeministri Hoti tha se është bërë progres drejt marrëveshjes përfundimtare./abcnews.al
