Ka ndërruar jetë Carol M. Baldwin, nëna e aktorit Alec Baldwin. Ajo ishte 92 vjeç. Lajmin e trishtë e bëri me dije vetë aktori përmes një deklarate në rrjete sociale, ndërsa postoi dhe një imazh dhe ndau një pjesë të historisë së familjes së tij, trashëgiminë që Carol lë pas.
“Me keqardhjen më të thellë familja ime poston deklaratën e mëposhtme”, filloi aktori. “Carol M. Baldwin, nëna e aktorëve Alec, Daniel, William dhe Stephen Baldwin dhe dy vajzave, Elizabeth dhe Jane, vdiq sot në Syracuse, Nju Jork. Ajo ishte 92 vjeç.”
Baldwin tregoi se ndërsa prindërit u takuan në Brooklyn, babai i tij e zhvendosi familjen në Long Island, ku ata u rritën dhe ku babai punoi dhe jetoi deri në vdekjen e tij në 1983. Ai zbuloi betejën e saj me kancerin e gjirit dhe punën për të hulumtuar më shumë rreth kësaj sëmundjeje.
