Loading ...
Kryeministri çek Andrej Babis ka ndryshuar profilin e mediave të tij sociale të frymëzuar nga Donald Trump pas sulmit në Kapitol.
Kryeministri Babis më parë kishte shkruar në rrjetet e tij sociale “Silné Česko” (“Çekia e fuqishme”), që të kujton sloganin e Presidentit të SHBA “Make America Great Again”.
Në një vizitë në Shtëpinë e Bardhë në mars 2019, Babis kishte deklaruar mbështetjen e tij për presidentin Trump dhe deklaroi se ai kishte një plan të ngjashëm “për ta bërë Republikën Çeke përsëri të madhe”.
Por pas sulmit në ndërtesën e Kapitolit, Kryeministri çek u bashkua me udhëheqësit e tjerë europianë, duke dënuar mbështetësit e Donald Trump.
“Ajo që ndodhi në SHBA është një sulm i papranueshëm dhe i paprecedentë ndaj demokracisë,” tha Babis në Twitter.
“Unë gjithmonë kam dënuar dhunën dhe kaosin, kalimi i pushtetit duhet të jetë i qetë dhe paqësor.”
Të enjten, Kryeministri ndryshoi gjithashtu foton e tij të profilit të mediave sociale, i cili mbante një kapele me flamurin çek, me një foto të tij që mbante maskë.
Një zëdhënës për Babis tha se ngjyra e kuqe në mediat sociale ishte frymëzuar nga Donald Trump dhe kishte qenë simboli i partisë së tij ANO në zgjedhjet e Parlamentit Europian 2019.
“Pas sulmit ndaj demokracisë në Shtetet e Bashkuara, të cilën unë e kam dënuar pa hezitim, e gjykova të arsyeshme të shprehja qëndrimin tim gjithashtu duke ndryshuar foton time të profilit”./abcnews.al
