Pas një jave mungesë, deputetët kthehen në Kuvend me maska! Çështjet që diksutohen

Kuvendi i Shqipërisë rikthehet pas një jave mungesë sërish nën masa të forta anti-coviud.

Ashtu si në seancat e kaluara që prej fillimit të pandemisë, deputetët do të jenë të pajisur me maska dhe doreza, ndërkohë që në hyrje të godinës së seancave plenare do i matet edhe temperatura.

Në rendin e ditës, ditën e sotme janë projektligji “Për përmirësimin e zonave të biznesit”, “Për disa ndryshime dhe shtesa në ligjin nr. 43/2015, “Për sektorin e energjisë elektrike”, të ndryshuar” dhe “Për një shtesë në ligjin nr. 92/2014, “Për tatimin mbi vlerën e shtuar në Republikën e Shqipërisë”, të ndryshuar”./abcnews.al