Rafael Leao mund të largohet nga Milani këtë verë, ose ky është një presion ndaj kuqezinjve për t’i dhënë më shumë hapësira sulmuesit portugez. Një ditë më parë u raportua se Jorge Mendes ia ka propozuar sulmuesin Juventusit.
Sot një tjetër lajm shqetëson Milanin. Sipas “Don Balon”, Leao i ka thënë “po” spanjollëve të Real Madrid, që e shikojnë atë si një zëvendësues të Karem Benzema. Gjithsesi italianët nuk heqin dorë lehtë prej tij.
Ata e dinë se kanë në gjirin e tyre një lojtarë me cilësi, që gradualisht do të rritet dhe do të kthehet në një futbollist të rëndësishëm për Milanin. Vetë Pioli e ka thënë këtë, madje pret shpërthimin e Leao sezonin e ardhshëm. /abcnews.al
