Motra e Meghan Markle pretendon se Duka dhe Dukesha e Sussex-ut do të shkojnë drej divorcit. Samantha Markle u shpreh se princi Harry dhe Meghan do të kenë nevojë për një këshillim të gjerë për të shpëtuar martesën e tyre prej gati tre vitesh.
Komentet e saj vijnë pavarësisht se Meghan zbuloi në intervistën e saj bombë se motrat mezi e njohin njëra-tjetrën dhe nuk janë takuar prej 10 vitesh. Ajo u shpreh se Harry do ta vërë në dyshim martesën e tyre.
“Unë shoh se do të përfundojnë në divorc nëse nuk marrin një këshillim të gjerë dhe nuk dakordësohen për t’u treguar të ndershëm, për të kërkuar falje për dëmin e shkaktuar.”, është shprehur ajo.
Gjatë intervistës, Meghan zbuloi se kishte përjetuar mendime vetëvrasjeje për shkak të situatës stresuese në familjen mbretërore. Ajo pretendoi se një anëtar i familjes ngriti shqetësimin rreth faktit se sa e errët do të ishte lëkura e djalit të saj, para se të vinte në jetë. /abcnews.al
