Loading ...
Nënkryetari i Bashkisë së Vlorës Afrim Qendro pritet të japë dorëheqjen nga posti i tij. Burime bëjnë me dije për ABC se ai pritet të dorëzojë dorëheqjen e tij gjatë ditës së nesërme.
Ditën e sotme strukturat e PS në Vlorë pritën drejtuesin e ri politik të këtij qarku, Arben Ahmetaj, i cili u prezantua nga ish-drejtuesi Damian Gjiknuri i cili është njëkohësisht edhe sekretar i Përgjithshëm i Partisë Socialiste.
Pas kalimit të stafetës te Ahmetaj në Vlorë, Gjiknuri do të vendoset në Elbasan ku do të zërë vendin e Taulant Ballës.
Qendro mban postin e nënkryetarit të Bashkisë së Vlorës që prej 22 korrikut të vitit të shkuar, kur u emërua nga kryeministri Edi Rama.
Më herët ai ka qenë kreu i Autoritetit Rrugor Shqiptar në kohën kur Ministria e Infrastrukturës drejtohej nga Damian Gjiknuri. Gjatë përplasjeve të Ramës me kryetarin e Bashkisë Dritan Leli, Qendro është shfaqur në krah të kryeministrit. m.v/abcnews.al
