Një ditë më parë presidenti i rizgjedhur i Turqisë, Recep Tayyip Erdogan, ka prezantuar kabinetin e ri, ndërsa sot pritet që të takohet me shefin e NATO-s, Jens Stoltenberg.
Mediat shkruajnë se Erdogan do të ketë takimin vendimtar të shumëpritur me Sekretarin e Përgjithshëm të Organizata e Traktatit të Atlantikut të Veriut të dielën, e cila do të fokusohet në veton e Turqisë për anëtarësimin e Suedisë në NATO.
Proceset e lidhura po intensifikohen përpara Samitit të Aleancës në Vilnius, Lituani muajin e ardhshëm.
Megjithatë, në tryezën e diskutimit do të ketë edhe çështje të tjera, duke përfshirë forcimin e forcave ajrore turke, marrëveshjen për transportin e drithit në Detin e Zi, etj.
Sekretari i Përgjithshëm i NATO-s ishte mes të ftuarve në ceremoninë e betimit të presidentit turk, gjashtë ditë pas fitores së këtij të fundit në raundin e dytë të zgjedhjeve presidenciale në Turqi./abcnews.al
