Pas firmosje së marrëveshjes për ekstradime në Angli, Shqipëria ka arritur marrëveshje edhe me një shtet tjetër. Bëhet fjalë për Spanjën.
Policia shqiptare njoftoi sot ekstradimin e shqiptarit të parë, i kërkuar nga autoritetet spanjolle.
23-vjeçari shqiptar është ekstraduar drejt Spanjës.
Ai kërkohej nga drejtësia spanjolle për kryerjen e veprave penale në fushën e narkotikëve dhe kundër shëndetit publik.
Uniformat blu bëjnë me dije se i riu shqiptar është kapur nga policia e Fierit më 6 maj të këtij viti.
Ndërkohë sot, falë bashkëpunimit me homologët spanjollë, u bë ekstradimi nga vendi ynë drejt Spanjës.
Ky shtetas ishte shpallur në kërkim ndërkombëtar, pasi Gjykata Penale 2 e Vilanova-s/Spanjë, me vendimin e datës 20.08.2021, kishte nxjerrë urdhër arresti ndaj 23-vjeçarit, për veprimtari kriminale në fushën e narkotikëve dhe kundër shëndetit publik, të parashikuara në Kodin Penal spanjoll.
Njoftimi i policisë
Vijon bashkëpunimi me homologët, për lokalizimin, kapjen dhe ekstradimin e personave të shpallur në kërkim ndërkombëtar.
Ekstradohet drejt Spanjës, 23-vjeçari i kërkuar për kryerjen e veprave penale në fushën e narkotikëve dhe kundër shëndetit publik, sipas legjislacionit spanjoll.
23 vjeçari është kapur më 06.05.2022, nga Policia e Fierit, si rezultat i operacionit policor të koduar “Vilanova”.
Nga Zyra Qendrore Interpol Tirana, u bë ekstradimi nga vendi ynë drejt Spanjës, i shtetasit:
– R. T., 23 vjeç, banues në Fier.
Ky shtetas ishte shpallur në kërkim ndërkombëtar, pasi Gjykata Penale 2 e Vilanova-s/Spanjë, me vendimin e datës 20.08.2021, kishte nxjerrë urdhër arresti ndaj 23-vjeçarit, për veprimtari kriminale në fushën e narkotikëve dhe kundër shëndetit publik, të parashikuara në Kodin Penal spanjoll.
Shtetasi R. T., u vu në pranga në 06.05.2022, në kuadër të operacionit policor të koduar “Vilanova”, zhvilluar nga Policia e Fierit.
/abcnews.al/
