Parisi merr vendimin ekstrem: Maskat, të detyrueshme edhe në ambientet publike

schedule21:48 - 8 Gusht, 2020

schedule 21:48 - 8 Gusht, 2020

Vendosja e një maskë do të jetë e detyrueshme në zonat më të populluara të Parisit nga e hëna. Vendimi vjen pas rritjes së numrit të të infektuarve në kryeqytetin francez, raporton abcnews.al.

Sipas BBC, policia tha që urdhri është efektiv për qytetarët mbi 11 vjeç dhe do të aplikohet në zonat e populluara të qytetit.

Maskat ndërkohë janë të detyrueshme në ambientet e mbyllura, ndërsa ekspertët kanë paralajmëruar se Franca mund të humbasë kontrollin e koronavirusit nëse nuk merren masa menjëherë.

Gjithashtu, në Nice dhe Lillë është bërë e detyrueshme vendosja e maskës edhe jashtë ambienteve të mbyllura.

Franca njoftoi të premten 2 288 të infektuar të rinj duke shënuar numrin më të lartë pas mbylljes disa muaj më parë.

Në total, vendi ka regjistruar më shumë se 235 000 raste me koronavirus me më shumë se 30 000 të vdekur. /abcnews.al