Sekretari i përgjithshëm i bashkisë së Tiranës Alban Dokushi është paraqitur të martën në prokurorinë e posaçme.
Mësohet se zyrtari i bashkisë ka dhënë sqarime në çështjen për të cilën mbahet I arrestuar edhe kryetari i bashkisë së Tiranës Erion Veliaj.
Dokushi qëndroi për rreth 30 minuta në Prokurorinë e Posacme, ndërsa në dalje nuk ka pranuar të jap sqarime për mediat mbi arsyet e thirrjes në SPAK.
Ndërsa pranoi se gjatë kohës që kreu i bashkisë është mbajtur i izoluar në qelitë e paraburgimit ka zhvilluar takim me këtë të fundit por me autorizim nga prokuroria e posaçme.
Nga ana tjetër Erion Veliaj mbahet i arrestuar për akuzën e korrupsionit dhe pastrimit të parave./abcnews.al
