Zëdhënësi i Kremlinit, Dmitry Peskov, ka paralajmëruar se SHBA është shumë afër të bëhet “palë në konfliktin” në Ukrainë.
“Gjithnjë e më shumë, pala amerikane po hyn në këtë konflikt, duke iu afruar të bëhet palë në konflikt, gjë që është jashtëzakonisht e rrezikshme”, u tha Peskov gazetarëve të mërkurën, citon CNN.
Ai iu përgjigj komenteve të Sekretarit të Shtetit të SHBA, Antony Blinken, se ukrainasit do të ishin në gjendje të përdorin armët e ofruara nga SHBA për të rimarrë territorin e saj, duke përfshirë rajonet që pritet të aneksohen nga Rusia pas referendumeve të shumta.
“Ukraina ka të drejtën absolute për të mbrojtur veten në të gjithë territorin e saj, duke përfshirë marrjen e territorit që është kapur ilegalisht në një mënyrë ose në një tjetër nga Rusia”, tha Blinken.
Referendumet, të shpallura me një njoftim të shkurtër nga autoritetet e mbështetura nga Rusia në katër rajone të pushtuara të Ukrainës, janë të paligjshme sipas ligjit ndërkombëtar. Ato janë dënuar gjerësisht nga qeveritë perëndimore si mashtrim dhe nuk u vëzhguan nga vëzhgues të pavarur. /abcnews.al
