Papa Françeskut pritet që të zhvillojë një vizitë në Irak. Mediat e huaja bëjnë me dije se një lajm I tillë ka shqetësuar ekspertët shëndetësore të cilët e kanë cilësuar si një udhëtim shqetësues këtë vizitë të papës në Irak, duke pasur parasysh një rritje të mprehtë të infeksioneve të koronavirusit në vend.
Askush nuk dëshiron t’i thotë Françeskut që ta ndërpresë vizitën, dhe qeveria irakiane është interesuar të demonstrojë stabilitetin e saj relativ duke mirëpritur Atin e shenjtë, i cili do të ishte papa i parë që shkon në vendlindjen e Abrahamit.
Ndërkohë rpitet që udhëtimi të bëhet në datat 5 deri në 8 mars, ku si qëllim i vizitës është fakti për të dhënë një nxitje shpirtërore tepër të nevojshme të krishterëve të Irakut që ndodhen në vështirësi ndërkohë që synon të avancojë përpjekjet për ndërtimin e urave të Vatikanit me botën myslimane.
Por nga një këndvështrim thjesht epidemiologjik, si dhe nga mesazhi i shëndetit publik që dërgon, një udhëtim papal në Irak mes një pandemie globale nuk është i këshillueshëm, thonë ekspertët shëndetësorë.
Shqetësimet e tyre u shtuan me lajmin e së dielës se ambasadori i Vatikanit në Irak, personi kryesor që do ta shoqëronte Papa Françeskun në të gjitha takimet e tij, u testua pozitiv për COVID dhe është vetizoluar.
Përveç kësaj, ekspertët thonë se luftërat, krizat ekonomike dhe ikja e mjekëve nga vendi e kanë shkatërruar sistemin spitalor irakian. Ndërkaq, studimet tregojnë se shumica e infeksioneve të reja të Irakut me COVID-19 janë nga varianti tepër ngjitës i identifikuar për herë të parë në Britani./abcnews.al
