Kontrollet mjekësore kanë konfirmuar frikën e madhe të Interit. Dëmtimi i Alexis Sanchez në miqësoren Kili-Kolumbi është serioz dhe sulmuesi rrezikon operacionin. Kavilja e majtë ka pësuar një ndrydhje, sipas komunikatës së klubit zikaltër.
Kiliani do të udhëtojë nesër drejt Barcelonës për të kryer një konsultë më të specializuar me profesor Ramon Cugat. Aty do të vendoset nëse Sanchez do të kryejë ndërhyrjen kirurgjikale apo jo.
Antonio Conte dhe tifozët e Interit shpresojnë që 30-vjeçari të shmangë thikën, përndryshe ai do të mungonte rreth 3 muaj. abcnews.al
