Panairi i Librit në Frankfurt, që është edhe panairi më i madh në botë për libra, do të zhvillohet në tetor pavarësisht pandemisë së koronavirusit, deklaroi Bordi Mbikëqyrës i panairit.
“Këtë vit është më e rëndësishme se kurrë që të zhvillohet Panairi i Librit në Frankfurt”, tha drejtori, Juergen Boos.
Panairi i Librit i Frankfurtit daton që nga viti 1949.
Në vitet e mëparshme, më shumë se 300 000 vizitorë mblidheshin në Frankfurt për të parë rreth 7 500 ekspozues nga më shumë se 100 vende.
Organizatorët e panairit thanë se janë në diskutime se si do të garantohet siguria e vizitorëve dhe punonjësve./abcnews.al
