Një aeroplanmbajtëse e re kineze me teknologji pothuajse të njëjtë me aeroplanmbajtëset amerikanë mund të jetë gati në shkurt të vitit të ardhshëm, sipas një analize të imazheve satelitore nga një institut me bazë në Uashington, shkruan CNN
Në imazhet e siguruara nga Qendra për Studime Strategjike dhe Ndërkombëtare (CSIS), aeroplanmbajtësja – e quajtur Type 003 pritet të përfundojë me 23 tetor.
“Bazuar në informacionin e disponueshëm Type 003 do të niset për rreth tre deri në gjashtë muaj,” tha CSIS.
Kjo do të jetë aeroplanmbajtësja e tretë e Kinës dhe e dyta që do të prodhohet në vend. Por ndryshe nga aeroplanmbajtëset e tjera, Liaoning dhe Shandong, ekspertët thanë se 003 ka teknologji më të avancuar.
Matthew Funaiole, bashkëpunëtor i lartë në Projektin e Kinës të CSIS, tha se 003 do të ishte “përpjekja e parë e ushtrisë kineze në një aeroplanmbajtëse moderne”. Kina zotëron forcën më të madhe detare në botë dhe aeroplanmbajtëset janë anijet kryesore të flotës së çdo fuqie të madhe, raporton abcnews.al
Kina dëshiron t’i sinjalizojë botës se ka një marinë të klasit botëror, dhe të përpiqet të bindë vendet në mbarë rajonin ose në mbarë botën se është në të njëjtin nivel me Shtetet e Bashkuara. Dhe simboli i fuqisë detare të SHBA-së ndërkombëtarisht është flota e saj e aeroplanmbajtësve, tha Funaiole.
Aeroplanmbajtësja e parë e Kinës, Liaoning, ishte një anije e papërfunduar e epokës sovjetike që Pekini e bleu nga Ukraina në 1998, u përditësua dhe më në fund u vu në punë në 2012. Megjithatë, pavarësisht sistemit të avancuar të nisjes, Funaiole tha se ka ende shenja se aeroplanmbajtësja kineze mbetet prapa homologëve të tij amerikanë, të cilët kanë më shumë katapulta, dhe më shumë ashensorë për të lejuar vendosjen më të shpejtë të avionëve.
Të gjithë aeroplanmbajtëset amerikane janë gjithashtu me energji bërthamore, ndërsa Type 003 besohet të funksionojë me motor me avull, për të cilën Funaiole tha se do të kufizonte shtrirjen e tij.
Avantazhi detar i SHBA
Sipas analistëve, ekziston një faktor kryesor që do t’i mundësojë flotës amerikane të jetë superiore ndaj Kinës për të ardhmen e parashikueshme: praktika. SHBA ka operuar aeroplanmbajtëse si në kohë luftërash edhe në kohë paqeje që para Luftës së Dytë Botërore dhe ka një përvojë të pasur në ekuipazhin e anijeve dhe integrimin e tyre me pjesën tjetër të marinës së saj, raporton abcnews.al
Në krahasim, Kina ka operuar vetëm aeroplanmbajtëse që nga viti 2012. Pasi të lansohet 003, do të duhet të testohet përpara se të vihet në punë. Fillimisht, Departamenti i Mbrojtjes i SHBA-së kishte vlerësuar se tipi 003 do të ishte gati deri në vitin 2023, por tani e ka shtyrë atë date për në 2024.
Aeroplanmbajtësja Shandong iu deshën gjithashtu dy vite nga nisja në 2017 deri kur hyri në shërbim në 2019. Edhe SHBA-ja ka pasur vështirësi në përdorimin e të njëjtit sistem.
Funaiole tha se nuk ka ende asnjë shenjë të ndërtimit të një aeroplanmbajtëseje të katërt kineze./abcnews.al
