Loading ...Paketa gjithëpërfshirëse e shkurtimeve të taksave dhe shpenzimeve nga republikanët në SHBA do të rrisë deficitin buxhetor me 2.4 trilionë dollarë gjatë dekadës së ardhshme.
Eksperti i ekonomisë Diego Abedinaj tha se kjo paketë është absurde dhe se nuk merr parasysh pabarazitë e krijuara në ekonomi dhe mes qytetarëve.
“Jemi në një fazë ku ekonomia ka krijuar pabarazi mes biznesve dhe qytetarëve, jemi drejt zhdukejs së klasës së mesme dhe kjo paketë nuk i ka marrë parasysh. Ngritja e tarifave është një nga ato çështjeve që ka ngelur një konsuensus midis ekonomisë dhe ekspertëve që kanë rënë dakort që këto tarifa sjellin ngadalësim të rritjes ekonomike. Është një hap i gabuar, por është në kuadër të narrativës për të bërë Amerikën të parën.
Këto tarifa targetojnë disa sektorë të ekonomisë që do sjellin punësimin dhe ekonominë, duket se efektet e para nuk kanë qenë ato që pritje dhe është dukur me mungesë koherence për t’i mbajtur ato.
Mbretëria e Bashkuar është sateliti i fundit i SHBA në Europë dhe kanë një marrëdhënie preferenciale. Britania mbetet një vend i rëndësishem në pikëpamjen ekonomike dhe ka rolin e saj në kontrollin e disa rrugëve tregtare. Në raport me BE, ekonomia e BE është e lidhur ngushtë me SHBA dhe elita e saj kërkon të shmang përplasjen sepse nuk janë në pozita për të bërë këtë luftë.”
/ abcnews.al
