Martesa nuk është angazhimi i vetëm për të cilën Blake Shelton po bëhet gati. Ai gjithashtu është zotuar se do të dobësohet përpara ditës së madhe me Gwen Stefani. Në një intervistë për “Party Barn Radio”, kyr u pyet nga Luke Bryan se sa e mundur ishte që Shelton të heqë 20 kilogramë para se të martohet, ai tha se mund të arrinte të paktën 10.
“Sikur të them 10, duhet ta bëj. Unë nuk mund t’i zhgënjej njerëzit.”, u shpreh këngëtari. Shelton pati thënë dhe më parë në shtator se ndihej sikur kishte fituar shumë kilogramë gjatë karantimit në Oklahoma së bashku me të fejuarën e tij dhe se po përpiqej të humbte peshë.
“Unë i kam rregulluar të gjitha pasqyrat në shtëpi, dhe duken sikur po bën një selfie nga lart, sepse nuk mund ta shoh veten më në pasqyrë,” bëri shaka Shelton. Blake i propozoi 51-vjeçares për martesë në fund të Tetorit. Çifti nisi romancën e tyre të dashurisë në vitin 2015, kur të dy merrnin pjesë në “The Voice”. /abcnews.al
