Disa muaj pasi mirëpriti fëmijën e saj të parë me bashkëshortin Cooke Maroney, aktorja Jennifer Lawrence ka zbuluar gjininë dhe emrin e foshnjës së saj. Në një intervistë për revistën Vogue, aktorja 32 vjeçare zbuloi se kanë mirëpritur një djalë, të cilin e kanë quajtur me emrin Cy.
Ajo tha se janë frymëzuar nga artisti i preferuar i partnerit të saj, piktori amerikan Cy Twombly. Më tej, duke folur për mëmësinë ajo tha: “Mbaj mend që po ecja me një nga miqtë e mi më të mirë në muajin e nëntë, dhe thashë: “Të gjithë vazhdojnë të thonë se do ta dua fëmijën tim më shumë se macen time.
Por kjo nuk është e vërtetë. Ndoshta do ta dua po aq sa macja ime?”, tha aktorja duke shtuar më pas: “Në mëngjes pasi linda, u ndjeva sikur e gjithë jeta ime kishte filluar nga e para. Sikur, tani është dita e parë e jetës sime. Unë thjesht shikoja. Isha shumë e dashuruar.
Të porsalindurit janë thjesht kaq të mrekullueshëm. Ata janë të mbijetuarit e vegjël, të brishtë. Tani i dua të gjitha foshnjat. Tani kur dëgjoj një foshnjë duke qarë në një restorant dhe them “Aww, e çmuar”.
/abcnews.al
