Në fund të muajit Qershor, Jonida Vokshi u bë nënë për herë të parë. Moderatorja dhe aktorja solli në jetë një vajzë që e pagëzoi me emrin Emi. Ajo ka ndarë shpesh momente pranë të voglës së saj, por vetëm së fundmi aktorja vendosi të prezantojë për herë të parë portretin e saj.
“Sonte donim t’ju prezantojmë me Emin tonë e cila ju përqafon shumë.”, shkroi Jonida krahas fotove, ku shfaqej teksa mbante në krahë vogëlushen. Ndërkohë, ajo që ka tërhequr vëmendjen që prej ditëve të para të lindjes, ishin format trupore të saj.
Së fundmi, aktorja ka postuar disa foto ku shfaqet më në formë se kurrë. Ajo ka pozuar veshur me rroba të ngushta, duke treguar edhe njëherë se në kaq pak kohë të ardhjes në jetë të vogëlushes, ajo gëzon linja perfekte. xh.d/abcnews.al
