Shqipëria është vendi i parë në rajon që aplikon zyrtarisht për tu bërë pjesë e sistemit të pagesave Europine SEPA.
Guvernatori Gent Sejko u shpreh se kjo nismë është shumë e rëndësishme pasi do ti sigurojë qytetarëve dhe bizneseve evropiane, pagesa ndërkufitare në monedhën e përbashkët, me të njëjtën kosto dhe lehtësi si pagesat brenda vendit të tyre. Nëse aktualisht për një transfertë prej 1 mijë eurosh paguhet 60-80 euro komision pas futjes në këtë sistem do paguhet 10-20 euro.
Përfshirja e vendit tonë në sistemin SEPA vlerësohet si një mundësi më e madhe për bizneset shqiptare.
Banka e Shqipërisë ka nisur punën për anëtarësimin e Shqipërisë në SEPA që në vitin 2021, kur u bë pjesë e projektit rajonal “Për modernizimin e sistemeve të pagesave në vendet e Ballkanit Perëndimor”. Ky projekt e ka origjinën nga marrëveshjet e Procesit të Berlinit dhe synon zhvillimin e marrëdhënieve financiare dhe ekomomike midis vendeve të Ballkanit Perëndimor, si dhe njëkohësisht integrimin e rajonit në Bashkimin Evropian.
/abcnews.al/
