Pacientja e parë indiane e konfirmuar me Covid ka qenë një studente që banonte në Wuhan. Mediat e huaja bëjnë me dije se vajza 21-vjeçare nga Kerala e Jugut nuk ka simptoma, por është e izoluar në shtëpinë e saj.
Sipas raporteve të fundit rezulto se ajo ishte pozitive sërish gjatë një kontrolli rutinë përpara një udhëtimi në New Delhi.
Pacientja ishte në mesin e studentëve indianë të mjekësisë që u larguan nga Wuhan në janar të vitit 2020, kur virusi u shfaq për herë të parë në atë qytet kinez.
Më pas ajo zhvilloi simptoma të lehta dhe më 30 janar, ajo doli pozitive dhe kështu u bë personi i parë indian që u infektua me koronavirus.
India që atëherë ka konfirmuar gati 31 milionë raste dhe më shumë se 410 mijë vdekje, shumica e tyre në një valë shkatërruese në muajt prill dhe maj./abcnews.al
