Nesër besimtarët ortodoksë festojnë Pashkët, ringjalljen e Krishtit. Para ditës së madhe, ata kremtojnë të premten e zezë, ritualin e kalimit nën epitaf dhe procesionin e Krishtit.
E premtja para Pashkës në Korçë, që njihet si e premtja e zezë, u kremtua nga besimtarët ortodoksë, në ceremoninë e përvitshme, organizuar nga Mitropolia e Shenjtë.
Rituali i kalimit nën epitaf dhe procesioni i varrimit të Krishtit, mblodhën para Katedrales shumë besimtarë.
Për ngjalljen e Krishtit, besimtarëve korçarë iu bashkuan edhe qytetarë të shumtë, të cilët shoqëruan procesionin përgjatë ecjes në rrugët kryesore të qytetit.
Ceremonia u përcoll nga marshe, ndërsa epitafet e shtatë kishave u ribashkuan për t’u kthyer sërish tek Katedralja.
Edhe në Fier besimtarët ortodoksë ndoqën procesionin e lëvizjes së epitafit.
Rituali organizuar nga Mitropolia e Apolonit dhe Fierit ka nisur nga Kisha Katedrale ” Shën Gjergji”, ka përshkuar një nga akset kryesore të qytetit të Fierit, duke përcjellë mesazhe të vëllazërimit paqes dhe dashurisë.
Mitropoliti i Fierit dhe Apolonit Hiresi Nikolla Hyka, ka ftuar gjithë shqiptarët që në këto ditë të shënuara, të harrojnë meritë dhe armiqësitë.
E Premtja e Zezë ,simbolizon sakrificat dhe vuajtjet e Jezu Krishtit, i cili me mëkatet e botës mbi shpine, rrugëtoi mundimshëm drejt vendit ku u kryqëzua, për tu ngjallur të dielën e Pashkës./abcnews.al
