Një tragjedi ka ndodhur në Kanada kur tre skiatorë humbën jetën në një ortek.
Dhjetë skiatorë të tjerë u lënduan pranë komunitetit Invermere, në provincën kanadeze të British Columbia. Nga ky aksident humbën jetën tre persona u plagosën katër të tjerë.
Skiatorët, sipas njoftimit të policisë kanadeze, ishin “të huaj” , por nuk janë dhënë informacione të mëtejshme.
Siç raporton rrjeti kanadez Global News, duke cituar Walter Bauer, kryetarin e bashkisë së qytetit Egging në Bavari, skiatorët që u vranë janë gjermanë.
Orteku ka ndodhur në zonën e resortit të skive Panorama, rreth 160 kilometra në perëndim të Calgary.
Një zëdhënës i kompanisë tha për CBC se orteku ndodhi jashtë kufijve të vendpushimit të skive, duke shtuar se teleferikët u pezulluan përkohësisht për të lehtësuar aksesin e helikopterëve shpëtimtar.
Në të njëjtën zonë, vetëm muajin e kaluar u vranë dy amerikanë.
