Në udhëtimin që Kanye West po planifikon të bëjë në Australi me stilisten australiane të kompanisë së tij, Yeezy, Bianca Censori, me të cilën dyshohet se u martua në një ceremoni jozyrtare në fillim të muajit, kanë ndërhyrë organizatat.
Raportet e shtypit australian thonë se reperi, këngëtari, producenti i diskografive dhe biznesmeni amerikan do të vizitojë Australinë për të takuar familjen e partneres, të cilët janë nga Melburni.
Por Dvir Abramovich, kryetar i grupit hebreo-australian të të drejtave të njeriut, bëri thirrje që reperit t’i ndalohej hyrja në vend për shkak të një morie deklaratash antisemite gjatë vitit 2022.
Organizata antisemitiste në Australi po i kërkon Ministrit Australian të Emigracionit Andrew Giles që të ndalojë Kanye West të hyjë në Australi.
Sipas nenit 501 të Aktit Australian të Imigracionit, një vizë udhëtari jashtë shtetit mund të refuzohet ose anulohet për shkak të karakterit të keq, d.m.th., sjelljes së keqe të së kaluarës dhe të tashmes.
Organizata e përshkruan Kanye West si një “shpirt të urrejtjes që hedh kërcënime kundër komunitetit hebre”.
“Thirrja për dhunë dhe urrejtje duhet të ketë pasoja dhe Australia nuk duhet të hapë tapetin e mirëseardhjes dhe të sigurojë një platformë për një sulmues të urrejtjes që hedh kërcënime kundër komunitetit hebre dhe shpërndan mitet konspirative të fuqisë, lakmisë dhe kontrollit hebre,” tha kreu i organizatës.
Shoqata Australiane Hebraike lëshoi gjithashtu një deklaratë duke shprehur shqetësimin për vizitën e Kanye West në Australi.
Kanye West ka parë që shumë nga bashkëpunimet e tij të ndërpriten pas një sërë shpërthimesh antisemite./abcnews.al
