Në fillim të viteve 1960, tensionet midis Bashkimit Sovjetik dhe Shteteve të Bashkuara po dilnin jashtë kontrollit. Po në atë vit, kur frika e komunizmit ishte përhapur, një plan i quajtur Operacioni Northwoods ishte propozuar brenda CIA-s amerikane.
Me pak fjalë, CIA bëri thirrje për qeverinë për të kryer një seri veprimesh të dhunshme terroriste në qytetet e SHBA-së duke përfshirë shpërthime, rrëmbime, trazira të rreme, dhe sabotazhe, të cilat pastaj mund të binin mbi Kubën.
Kjo do të rriste mbështetjen për një luftë kundër komunistëve dhe çonte në një operacion të mundshëm ushtarak për të larguar nga pushteti Fidel Kastron.
Plani ishte hartuar dhe nënshkruar nga shefat e përbashkët të Shtabit, iu paraqit Presidentit John F. Kennedy, i cili personalisht e kundërshtoi atë, dhe operacioni më pas nuk u zbatua.
Për vite më pas, Operacioni Northwoods ka ekzistuar si një thashethem, por ai më në fund u shpall të jetë i vërtetë, kur dokumente top-sekret duke përshkruar planin janë bërë publike në vitin 1997 si pjesë e një deklarate të qeverisë në lidhje me dokumentat e vrasjes së John F. Kennedy.
Kriza e raketave Kubane
Nga 16 tetori 1962 deri më 28 tetor të të njëjtit vit, ndodhi kriza e raketave Kubane, një nga ngjarjet më të tensionuara brenda Luftës së Ftohtë.
Kjo filloi me vendosjen e raketave bërthamore nga Bashkimi Sovjetik në Kubë, të cilat u dhanë sovjetikëve mundësinë për të goditur çdo shtet brenda Amerikës, duke përfshirë Nju Jorkun dhe Uashingtonin.
Pas përfundimit të Luftës së Dytë Botërore, Shtetet e Bashkuara dhe Bashkimi Sovjetik u bënë dy superfuqitë globale. Të dy më pas filluan një konfrontim që preku të gjithë planetin.
Kuba, nga ana e saj, kishte hyrë në orbitën Sovjetike pas revolucionit të vitit 1959. Përpjekjet e SHBA-së për t’i dhënë fund qeverisë së Fidel Castro e shtynë atë të kërkonte ndihmë nga Bashkimi Sovjetik, i cili i dha mundësinë e vendosjes së raketave bërthamore në ishull.
Shumë historianë argumentojnë se kjo përplasje politike dhe ushtarake filloi nga sovjetikët, por në fakt, kjo ishte një përgjigje nga sovjetikët ndaj Shteteve të Bashkuara, të cilat një muaj më parë kishin dërguar raketa bërthamore në Turqi.
Ushtria amerikane u përgjigj duke rrethuar Kubën dhe duke mos lejuar asgjë të hynte apo të dilte nga Kuba.
Më 26 tetor 1962, të tre kombet gjetën një mënyrë për të ulur tensionet. Megjithatë, Shtetet e Bashkuara e dinin rrezikun që vinte nga Kuba, por nuk donin të ishin ata që filluan Luftën e Tretë Botërore, kështu që hartuan një një plan për ta bërë të besueshme se ishte Kuba në fakt ajo që sulmoi e para.
Operacioni Northwood
Është e pabesueshme imagjinata dhe kreativiteti që mund të kenë agjentët e CIA-s për të bërë diçka të gabuar dhe joetike, në dokumentet që zbuluan në vitin 1992.
Operacioni Northwood me shumë mundësi do të ishte përgjigja ndaj Kubës dhe gjithashtu fillimi i një Lufte të Tretë Botërore nëse do të ndodhte ndonjëherë, raporton abcnews.al.
Ajo që bie më shumë në sy është sugjerimi për përdorimin e avionëve MIG (avionë luftarakë të përdorur nga Kuba dhe Bashkimi Sovjetik) për të shkatërruar një avion me civilë që transportonte kryesisht qytetarë amerikanë.
Një sugjerim tjetër është që edhe një avion MIG do të sulmonte një avion të Forcave Ajrore të SHBA-së mbi ujërat ndërkombëtare. Nëse kjo do të ndodhte, do të ishte një provokim i drejtpërdrejtë.
Sugjerime të tjera përfshijnë hedhjen në erë të një anijeje të tërë amerikane në Gjirin e Guantanamos ose hedhjen në erë të një droni në ujërat e Kubës.
Gjëra të thjeshta, por në të njëjtën kohë mjaft të rrezikshme sikur bota të zbulonte se këto akte në fakt ishin të mirëmenduara Amerika do të humbiste pjesën më të madhe të mbështetjes ndërkombëtare, raporton abcnews.al.
Ata madje shkuan aq larg sa menduan të krijonin një grup të rremë terrorist kuban në Miami dhe të hidhnin në erë disa ndërtesa dhe madje të vrisnin emigrantë kubanë.
Një tjetër sugjerim interesant nga CIA për sekretarin e mbrojtjes ishte të sulmonte armikun e Kubës, siç është Republika Domenikane, dhe SHBA t’i shpëtonte duke portretizuar amerikanët si heronj.
/abcnews.al
