Gentian Selmani me shumë mundësi do të transferohet në ekip tjetër ne verë. Menemenspor e vlerëson maksimalisht portierin e marrë vjet nga Laçi, pasi është paraqitur në lartësinë e duhur në sezonin e tij të parë në Turqi dhe për trajnerin Cenk Laleci, nuk është aspak habi pse ofertat janë të shumta për të.
Mediat në Turqi përmendin disa emra klubesh që interesohen për transferimin e Selmanit dhe thuhet se ka interesim nga kampionate të ndryshme, nga Rusia, Ukraina, Greqia dhe Italia. Jo vetëm kaq, por përmend edhe emra klubesh, duke nisur me Bologna.
Gjithashtu gjiganti grek Olympiacos thuhet se është i interesuar për Selmanin, apo edhe Spartak Moscow e Krasnodar në Rusi, për të përmendur edhe Zorya Luhansk në Ukrainë. Më parë, në mediat turke kanë qarkulluar lajme edhe për interesimit e Besiktas për shërbimet e portierit të kombëtares shqiptare. /abcnews.al
