Një nga dy kozmonautët rusë që po punonin në krahun e jashtëm të Stacionit Ndërkombëtar Hapësinor u detyrua të kthehej brenda ISS sot për shkak të një problemi me pajisjet e kostumit të tij.
Qendra e kontrollit të Moskës urdhëroi Oleg Artemiev të përfundonte më herët nga sa ishte planifikuar shëtitjen e tij në hapësirë.
After reporting a voltage fluctuation in the battery power of his Orlan spacesuit, Exp 67 commander Oleg Artemyev has safely returned to the Poisk airlock until flight controllers can assess further. pic.twitter.com/LoQi2u6yUz
— International Space Station (@Space_Station) August 17, 2022
Kozmonauti rus kishte qenë jashtë ISS për gati tre orë (misioni ishte planifikuar të zgjaste rreth gjashtë orë) kur treguesi i baterisë në kostumin e tij filloi të bjerë ndjeshëm, duke bërë që zyrtarët të urdhëronin kthimin e menjëhershëm të Artemiev brenda stacionit hapësinor.
“Oleg, lër gjithçka dhe kthehu menjëherë!” U tha nga qendra e kontrollit në Moskë.
Oleg Artemiev u kthye në brendësi të ISS, ndërsa kolegu i tij Denis Matveev përfundoi punën në krahun robotik të stacionit hapësinor.
Zëdhënësi i NASA-s Rob Navias siguroi se Oleg Artemiev “nuk ishte kurrë në rrezik serioz”. Stacioni Ndërkombëtar Hapësinor, një laborator sa një fushë futbolli, ka qenë shtëpia e ekuipazheve nga e gjithë bota për më shumë se dy dekada. /abcnews.al/
