Sekretari i Përgjithshëm i OKB-së Antonio Guterres tha të martën se “arsenalet diplomatike” janë të nevojshme për paqen jo vetëm në Ukrainë, por edhe në pjesë të tjera të botës që po përballen me konflikte.
Komentet e Guterres erdhën pasi ai mori çmimin europian Carlos V në një ceremoni të kryesuar nga Mbreti i Spanjës Felipe VI në Manastirin e Yuste.
“Ne duhet të punojmë për të mbrojtur paqen çdo ditë, pa u lodhur. Në një botë që po copëton veten, ne duhet të shërojmë plagët, të parandalojmë përshkallëzimin dhe të dëgjojmë ankesat,” tha Guterres.
“Në vend të plumbave na duhen arsenale diplomatike. Ka ardhur koha që të vendosim barazinë në qendër të punës sonë. Barazia mes komuniteteve. Barazia e qytetarëve,” shtoi ai.
Shefi i OKB-së tha se është “thellësisht i prekur” nga marrja e çmimit në Ditën e Europës.
/abcnews.al
